13 января 2017 г.
Çĕнĕ çула халалланă район администрацийĕн пуçлăхĕн елки Тăвайри культура çуртĕнче ытти çулсенчи пекех çỹллĕ шайра иртрĕ.
Пур шкултан та ачасем пуçтарăннă унта - чи пултаруллисем, вĕренỹ отличникĕсем, олимпиадăсенче палăрнисем, ăсталăх конкурсĕсемпе спорт ăмăртăвĕсен çĕнтерỹçисем. Тăвайри вăтам шкултан та 2-4 классенчи 10 вĕренекен савăннă çак асамлă уявра. Вăл çулленех хăйнеевĕрлĕхĕпе илĕртет ачасене. Культура çурчĕн пултарулăх ушкăнĕ çутă уяв кашнин асĕнче нумайлăха юлтăр тесе интереслĕ программа хатĕрленĕ. Юлашкинчен пурте район администрацийĕн пуçлăхĕн парнисемлĕ пулнă.
Н.МИХАЙЛОВА.
Тăвай шкулĕ.