17 октября 2014 г.
Тенеялĕнче сумлă юбилярсене чысланă. Вĕсенчен пĕри - Роза Николаевна Петрова (Ахтимирова) - чăваш ăсчахĕ, пĕчĕк ял ятне çỹле çĕклеме пултарнă сăпайлă та кăмăллă хĕрарăм. Вăл тĕрлĕ халăх çыравçисен хайлавĕсене чăвашла куçарнă, унăн пухмачĕнче вуншар кĕнеке, наукăпа тĕпчев ĕçĕ. Авăн уйăхĕн 12-мĕшĕнче Роза Николаевна 75 çул тултарнă. Сумлă ăсчаха Йăнтăрчă ял тăрăхĕн Хисеп кĕнекине кĕртни çинчен пĕлтерекен свидетельство, парне парса чысланă ял тăрăхĕн пуçлăхĕ Ирина Хайдукова.
Тата тепĕр юбиляр та нумай ырă сăмаха тивĕçнĕ çак кун. Таисия Кузьминична Нестерова 75 çул тултарнă иртнĕ уйăхра. Таисия Кузьминична - çак ялти культура пурнăçне хĕмлентерекенĕ, ăна туптаканĕ, паян та халăхпа пĕрле вăл.
"Çĕре çити пуç таятпăр сире пархатарлă ĕçĕршĕн", - тенĕ хăйĕн саламĕнче Ирина Петровна.
Ялти фольклор ушкăнĕ юрă-ташăпа саламланă хисеплĕ ветерансене.
Р.ВАСИЛЬЕВА.
Сăн ỹкерчĕкре: Т.К.Нестеровапа Р.Н.Ахтимирова.