17 октября 2014 г.
Иртнĕ кунсенчи паллă мероприятисенчен пĕри "Раççей - спорт çĕр-шывĕ" форум пулчĕ. Асăннă форум пирĕн республикăмăр тĕп хулинче иртни пирĕншĕн пысăк пĕлтерĕшлĕ. Эпир, Мучар шкулĕнче 2-мĕш класра вĕренекенсем, "Раççей _ спорт çĕр-шывĕ" форум историйĕпе, кăçалхи программипе кăсăкланса паллашрăмăр. Фаина Валерьевна Афонина пире форум çинчен "Советская Чувашия", "Ял ĕçченĕ" хаçатсенче пичетленнĕ статьясене, сăн ỹкерчĕксене илсе кăтартрĕ, тĕплĕн ăнлантарчĕ. Спортпа туслине палăртас тĕллевпе эпир те класри ăмăртăва хутшăнтăмăр, чупассипе, сикессипе, алă вăйне виçессипе тупăшрăмăр. Эпĕ хам ыттисенчен хăвăртрах чупма пултартăм. Саша Петухов пуринчен те аяккарах сикрĕ. Рита Иванова чи вăйли пулчĕ.
Алина КАРЛОВА. Мучар шкулĕ.