10 октября 2014 г.
Çынсем сывлăхне чылай тимлĕх уйăраççĕ. Тĕрлĕ чир-чĕр ытамне кĕрсе ỹкес мар тесе чылайăшĕ физкультурăпа, спортпа туслашать. Куллен чупма тухакансем пур. Теприсене тăтăшах "Аль" спорткомплексра курма пулать. Вĕсем унта волейболла выляççĕ, шыва кĕреççĕ, ытти секцисене çỹресе кăмăл-туйăмне çĕклеççĕ.
Теприсем улшăнса тăракан çанталăкра ыхра-сухан çиеççĕ, сиплĕ чей ĕçеççĕ тата ытти те.
Ерекен чир (грипп) ан лектĕр тесе виççĕмĕшсем вакцина тутараççĕ. Тăвайри больницăна гриппол илсе килнĕ çак кунсенче. Хăш-пĕрисем тутарчĕç те ăна. Медицина учрежденийĕсенче ĕçлекенсем те грипран çак мелпе усă курса упранма тăрăшаççĕ.
Сывлăш çулĕсен чирĕсем нушалантарма пуçличчен Тăвайри тĕп больницăн врач-инфекционисчĕпе канашлама сĕнетпĕр. Вăл сирĕн сывлăха тĕрĕсленĕ хыççăн вакцина тума ирĕк парĕ.
Л.ЧУМЫШЕВА, врач-инфекционист.