07 октября 2014 г.
Тăрмăш ял тăрăхĕн пуçлăхĕн Владимир Разинăн пурнăçĕ вăхăтсăр татăлчĕ. Ăна асра тытса иртнĕ шăмат кун футбол турнирĕ йĕркелерĕç.
Ăна уçнă çĕре район администрацийĕн пуçлăхĕ Владимир Ванерке, вĕрентỹ пайĕн начальникĕ Олег Ломоносов, Тăрмăш ял тăрăхĕн пуçлăхĕн тивĕçĕсене вăхăтлăха пурнăçлакан Вероника Николаева хутшăнчĕç.
"Тăрмăш", "Çĕнĕ Пуянкасси", "Енĕш Нăрваш" командăсем хутшăнчĕç унта. Тăрмăшсем çĕнтерỹçĕ пулса тăчĕç, иккĕмĕш вырăна "Енĕш Нăрваш", виççĕмĕшне "Çĕнĕ Пуянкасси" командăсем тухрĕç.
"Турнирăн чи лайăх выляканĕ" Максим Иванов (Тăрмăш), "Чи лайăх вратарь" Владимир Дмитриев (Тăрмăш), "Чи лайăх çурма хỹтĕлевçĕ" Роман Тимофеев (Çĕнĕ Пуянкасси), "Чи лайăх тапăнса вылякан" Дмитрий Григорьев (Енĕш Нăрваш), "Чи лайăх хỹтĕлевçĕ" ятсене Анатолий Алексеев (Тăрмăш) тивĕçлĕ пулчĕç. Çĕнтерỹçе кубокпа медальсемпе, грамотăсемпе наградăланă. Ыттисене те тивĕçлипе хавхалантарнă.
В.ПАВЛОВ.