03 октября 2014 г.
Тăвай енри ялсенчи информаципе культура центрĕсен ертỹçисен ларăвĕ пулнă.
Социаллă аталану, архив ĕçĕн пайĕн начальникĕ Н.Чайкина культура учрежденийĕсен паспорчĕсене тăвас ыйтăва хускатнă. Ку енĕпе пирĕн районта ĕç вĕçленсе пырать. Ларура паспортсене пăхса тухнă, çитменлĕхсене пĕтернĕ.
"Кĕрхи ярмăркка-2014" уява савăнăçлă ирттерес тĕллевсем пирки те манман культура ĕçченĕсем. "Солист-вокалист" "Осенний калейдоскоп" конкурссене ярмăрккара ăнăçлă ирттерме сĕнỹсем панă.
Ларура районта пурăнакансене культура ыйтăвĕсемпе лайăх шайра тивĕçтересси çинче та чарăнса тăнă.
В.ВАСИЛЬЕВ.