03 октября 2014 г.
Авăн уйăхĕн вĕçĕнче пĕтĕм çĕр-шыв воспитатель кунне паллă турĕ. Çĕнĕ Пуянкассинчи ача садĕнче те чысларĕç çак куна. А.Орешникова заведующи пурнăçра тата ĕçре ăнăçусем сунса саламларĕ воспитательсене, коллективри ытти ĕçченсемпе ачасене. В.Григорьева тĕрлĕ конкурссем хатĕрленĕ. Çапла "Хăмпăна хăпарт" конкурсра Р.Филиппова çĕнтерỹçĕ пулчĕ. Т.Ефимова та хăйне евĕрлĕ конкурсра çĕнтерчĕ. Чи типтерлисен шутĕнче Л.Казакова пулчĕ: вăл çĕр улмине хăвăрт та тирпейлĕ шуратрĕ. "Туп мана" шỹтлĕ конкурсра, çăнăх ăшĕнчен алăсемсĕр пылак приз тупса, И.Краснова палăрчĕ. Кĕрпе суйлассипе Л. Еремеева мала тухрĕ. Хупланă куçсемпе чечек ỹкерсе В.Сядорова çĕнтерчĕ. Спорт конкурсĕнче Г.Иванована çитекенни пулмарĕ.
Юрăсем те, ачасен ăшă кулли те хитрелетрĕ уява. Юлашкинчен ача садĕнчи поварсем хатĕрленĕ пылак кукăльсемпе чей ĕçсе сăйланчĕç воспитатель кунне хутшăннисем.
В.ГРИГОРЬЕВА.
Сăн ỹкерчĕкре: конкурс саманчĕ.
Сăн ỹкерчĕкĕ авторăн.