23 сентября 2014 г.
"Красная Чувашия" ял хуçалăх кооперативĕн выльăх-чĕрлĕх ферминче эпир хальхи вăхăтра тĕрлĕ ỹсĕмри 358 пуç мăйракаллă шултра выльăх усратпăр. Иртнĕ çулхи çак вăхăтрипе танлаштарсан, 45 пуç ытларах выльăхсен йышĕ. Сăвакан ĕнесем вара 165 пуç. Калас пулать, вĕсен йышĕ умĕнхи çулхинчен пăртак катăкрах пулсан та, кăçалхи 8 уйăхра сĕт туса илессине пĕлтĕрхинчен чакармарăмăр. Çакна фермăра ĕнесен продуктивлăхĕ ỹснипе йĕркелеме май килчĕ.
Кăçалхи январь-август уйăхĕсенче ферма ĕçченĕсем ĕнесен продуктивлăхне 2918 килограма çитерме е иртнĕ çулхи çак тапхăртипе танлаштарсан кашни ĕнерен вăтамран 173-шер килограмм ытларах сĕт суса илме пултарчĕç. Çав вăхăтрах выльăхсен продуктивлăхне ỹстерессипе нумай ĕçлемелле-ха пирĕн. Çак тĕллевпе кăçал пăрусем ытларах пăхса илнĕ. Ĕнесем паян кун та кĕтỹре çỹреççĕ-ха. Вĕсене Юрий Иванов, Андрей Чернов, Иван Александров, Михаил Данилов, Василий Ярмулин кĕтỹçĕсем пăхаççĕ. Вĕсем ĕнесене çаран курăкĕпе люцерна лаптăкĕ çинче те, ытти апат пур вырăнсенче те çỹретеççĕ, сĕт ытларах антарччăр тесе тимлеççĕ. Хальхи вăхăтра ĕнесем талăкра вăтамран 14 литр сĕт параççĕ. Елена Иванова, Ирина Герасимова, Валентина Федотова, Вера Васильева, Альбина Григорьева дояркăсем паха продукцие тĕплĕн суса илеççĕ, потребительсем патне пахалăхлă сĕт ăсатма тăрăшаççĕ. Ĕçе чунне панăшăн пурне те ырлас килет вĕсене.
Т.ФЕДОРОВА, "Красная Чувашия" ял хуçалăх кооперативĕн зоотехникĕ тата ĕне ферми заведующийĕ.