23 сентября 2014 г.
Районĕпе 243,3 тонна аш-какай туса илнĕ кăçалхи январь-август уйăхĕсенче. Ку вăл ĕне выльăхпа сурăх ашĕсем. Çак шутра мăйракаллă шултра выльăхсен ашĕн тỹпи 237,9 тоннăпа танлашать. Аш туса илес ĕçре ỹсĕм те пур умĕнхи çулхипе танлаштарсан, вăл - 103,8 процент.
Кăçал чи нумай аш туса илнĕ предприятисен шутне "Акконд-агро фирма" хупă акционерлă общество (87,9 тонна), "Дружба" тата "Чутеевский" ял хуçалăх кооперативĕсем (28,9 тата 25,7 тонна), Грачев хресчен-фермер хуçалăхĕ (37,9 тонна) кĕреççĕ. Çак паха продукцие ытларах туса илсе хатĕрлес тесен выльăх-чĕрлĕх йышне ỹстерсе пыни тата тĕрлĕ выльăх апачĕ çителĕклĕ хатĕрлени кирлĕ. Тивĕçлĕ, интенсивлă тăрантарнă никĕс çинче выльăхсем лайăх ỹт хушĕç.
И.ПЕТРОВ.