19 сентября 2014 г.
"Раççей - спорт патшалăхĕ" форума тата Раççей Президенчĕ çумĕнчи физкультурăпа спорта аталантарас енĕпе ĕçлекен канашăн ларăвне хатĕрленсе ирттерес енĕпе тăрăшакан республикăри йĕркелỹ комитечĕн ларăвĕ иртнĕ.
Форум иртнĕ кунсенче хулара йĕркелĕхе, хăрушсăрлăха тивĕçтерес ыйтусем пирки ЧР шалти ĕçсен министрĕ С.Семенов пĕлтернĕ.
-Кỹкеçпе Çĕнĕ Шупашкар хушшинче çул начар. Тĕп хулапа химиксен хули хушшинчи çул çỹп-çаплă. Çул хĕррисенчи хирсенче хыт хура çитĕнет. Унта вăраха ямасăр тирпей-илем кĕртмелле, - терĕ ЧР Пуçлăхĕн Администрацийĕн ертỹçи А.Иванов.
ЧР физкультурăпа спорт министрĕ С.Мельников Пĕтĕм Раççейри ГТО нормативĕсене йышăнмалли Пĕрлехи куна йĕркелесси пирки сăмах пуçарчĕ.
Республикăри шкулсенче ирхи зарядкăсем, ăмăртусемпе турнирсем иртеççĕ. Шупашкарта пур çĕрте те пĕлтерỹсем çакнă "Раççей - спорт патшалăхĕ" форум октябрĕн 9-11-мĕшĕсенче иртесси пирки, республикăри паллă спортсменсен сăнĕсене те вырнаçтарнă.
А.ПЕТРОВА.