19 сентября 2014 г.
Октябрĕн 11-мĕшĕччен Раççейре "Вăрманçăсем алăка уçаççĕ" акци иртет. Вăл сентябрĕн 1-мĕшĕнче пуçланнă. Унăн пуçаруçи - РФ Вăрман хуçалăхĕн агентстви.
Çав кунччен вĕренекенсене, производствăра вăй хуракан çамрăксене вăрманпа çыхăннă учрежденисенче йышăнаççĕ. Акци тĕллевĕ - вĕсене вăрман хуçалăхĕсен, пушар-хими станцийĕсен, питомниксен ĕç-хĕлĕпе паллаштарасси.
Хăнасене тĕрлĕ йывăç лартса çитĕнтерни, Раççей вăрман хуçалăхĕн историйĕпе тĕллевĕ çинчен каласа кăтартĕç. Тĕл пулусенче отрасль умĕнчи çивĕч ыйтусене те сỹтсе явĕç.
Шăрăх тапхăрта вăрмансенче пушар ан тухтăр тесен хăрăк-харăка вут хыпса илесрен кашнин асăрханмалла. Калаçусенче пушар хăрушсăрлăхне тивĕçтерессине те хускатĕç. Хуçалăхсен, пушар-хими станцийĕн техника хатĕрĕсене кăтартĕç.