16 сентября 2014 г.
Почта ĕçченĕсем тăтăшах çын пĕчченлĕхре нушаланнине асăрхаççĕ. Кирек мĕнле пĕчĕк парне ку лару-тăрури çынна савăнтарнине ăнланаççĕ вĕсем. Çавăнпа Пĕтĕм тĕнчери ватăсен кунĕ умĕн "Эсĕ пĕччен мар" акци йĕркеленĕ.
Çак кун валли Раççей Почтин Чăваш филиалĕнчи уйрăмĕ открытка çине вырнаçтармалли ỹкерчĕксен конкурсне йĕркеленĕ. Çĕнтерỹçĕсен ĕçĕсемлĕ открыткăсем сентябрĕн 20-мĕшĕ хыççăн суту-илĕве тухаççĕ.
-Палламан çынран илнĕ ăшă сăмахлă открытка пĕчченлĕхри ватă чунне ăшăтать, - тет ЧР почта уйрăмĕн ертỹçи В.Тимофеев.
Раççейри Почта клиенчĕсем сентябрĕн 28-мĕшĕччен ялсенчи уйрăмсене пырса "Эпĕ пĕччен мар" ятлă открытка туянса ватăсене ярса пама пултараççĕ.
И.МАТВЕЕВА.