16 сентября 2014 г.
Сентябрĕн тăххăрмĕшĕнче миравай суд районта пурăнакан А.-ăн уголовнăй ĕçне пăхса тухнă.
А. сăмсине лайăх "хĕретнĕ" хыççăн 2014 çулхи утă уйăхĕн 26-мĕшĕнче 12 сехет тĕлнелле килне çаврăнса çитнĕ. "Мускава ĕçлеме каятăп", - тесе пĕлтернĕ хăйĕн шухăшне арăмĕ.
"Çук", - татса хунă арçын кĕскен.
Çапла харкашу пуçланнă. Çемье пуçĕ хăйĕн мăшăрне чăмăрĕпе пуçĕнчен тата пит-куçĕнчен çапма пуçланă. Хĕрарăм тарма хăтлансан, хайхи, эрехçĕ ăна хăваласа çитсе çỹçĕнчен ярса тытнă та пỹрте сĕтĕрсе кĕнĕ. Кĕсйинчен çĕçĕ кăларса хĕрарăм карланки тĕлне тытнă, вĕлерессипе хăратнă. Хăранипе шăрса ятăм, тесе каласан тин арçын арăмне вĕçертнĕ.
Хĕрарăм çакăн пирки полици уйрăмне шăнкăравласа пĕлтернĕ.
"Нимĕн те астумастăп", - тенĕ арçын йĕркелĕх хуралçисем килсе çитсен. Анчах çĕçĕ юнашар выртнă. Тепĕр кунне урăлсан арçын полицине кайса арăмне çĕçĕпе вĕлерессипе хăратни пирки пĕлтернĕ. Çакăншăн вăл ỹкĕннĕ.
Айăпне йышăнни арçын малашлăхне çăмăллатнă. 160 сехет ятарласа ĕçлесе юсанмалла тунă хаяр упăшкана.
Приговор мĕнле пурнăçа кĕнине контроль инспекцийĕ тĕрĕслесе тăрĕ.
О.ЯСТРЕБОВА,район прокурорĕ.