12 сентября 2014 г.

Вăтаялĕнче кĕçех модульлĕ çĕнĕ фельдшерпа акушер пункчĕ хута каймалла. Унта электричество çути, газ, шыв кĕртнĕ. Анчах шалта хальлĕхе отделка ĕçĕсем пĕтеймен.
"Тулашĕнчен пĕтĕмпех йĕркелесе çитернĕ. Тăпра чылай турттарса тикĕсленĕ, карта тытса çавăрнă, сăрламаллине сăрланă, газон курăкĕ акнă. Сентябрĕн 9-мĕшĕнче тавралăха тирпей-илем кỹме субботник те йĕркелесе ирттертĕмĕр. Хамăрăн ял тăрăхĕн администрацийĕнче ĕçлекенсем, культура работникĕсем, медиксем, Надежда Трошина хутшăнчĕç тирпей-йĕрке тума. Техникăпа Евгений Соколовпа Владислав Егоров механизаторсем пулăшрĕç", - терĕ Тĕмер ял тăрăхĕн пуçлăхĕ Геннадий Иванов. Паллах, хăй те пĕрле ĕçленĕ.
И.ГЛАДКОВ.
Сăн ỹкерчĕкре: фельдшерпа акушер пункчĕн çурчĕ.