12 сентября 2014 г.
Кĕркунне - туйсем ирттермелли аван вăхăт. Уй-хирте ĕçсем вĕçленеççĕ, пахчаран тĕрлĕ çимĕç пухса кĕртеççĕ, çанталăк аван тăрать.
Кĕрхи кунсенче туй тусан, çемье çирĕп пулать, тесе шухăшланă ĕлĕк.
Аслă ăрури çынсен йăли-йĕркине пăхăнса иртнĕ эрнере районти ЗАГС уйрăмĕнче 6 мăшăр çырăннă. Муркаш, Вăрмар, Вăрнар районĕсенче, Шупашкар хулинче пурăнакан çамрăксем Тăвай ялĕнчи ЗАГС уйрăмĕнче туй кунне паллă тума кăмăлланă.
Çирĕп çемьеллĕ, иксĕлми юратуллă, нумай ачаллă пулма суннă мăшăрланакансене ЗАГС уйрăмĕнче тăрăшакансемпе ытти хăнасем.
В.НОВИКОВА. ЗАГС уйрăмĕ.