12 сентября 2014 г.
"Туртма юрамасть" знак тата ăна вырнаçтарассине çирĕплетесси çинчен" приказа социаллă аталану тата сывлăх сыхлавĕн министерстви 2014 çулхи майăн 12-мĕшĕнче йышăннă.
Хĕрлĕ çаврашкара йăсăрланса выртакан пирус тĕпне хура тĕспе ỹкернĕ. Ун урлă хĕреслĕ икĕ йĕр каçать. "Туртма юрамасть" тенине пĕлтерекен знак пулса тухнă çапла майпа.
Ăна объекта, территорие кĕнĕ çĕрте вырнаçтараççĕ. Хăна çурчĕсенче ку знак регистрацилекен вырăнта пур. Номер алăкĕсем çине те çакаççĕ ăна, поезд тамбурĕнче, самолет салонĕнче тата ытти çĕрте те курма пулать "Пирус туртма юрамасть" знака.
О.ЯСТРЕБОВА, район прокурорĕ