12 сентября 2014 г.
Шкулсенче, техникумсенче, университетсенче пĕлỹ илекенсем наркотикла тата психотроплă япаласемпе усă курнине тупса палăртма тестпа та тĕрĕслеççĕ.
15 çула çитнисем тест тĕрĕслевне хутшăнма хăйсем çырса парса килĕшеççĕ, çамрăкраххисене вара ашшĕ е амăшĕ тест тĕрĕслевне хутшăнма ирĕк пани кирлĕ. Асăннă документсем çулталăк упранаççĕ.
Вĕренỹ учрежденийĕн коллективне ертсе пыракан ятарлă комисси йĕркелет тест тĕрĕслевне ирттерме. Тест çырнă чухне кашни класра е пỹлĕмре комисси членĕпе ачасен ашшĕ-амăшĕ пулать. Тест тĕрĕслевне хутшăнакан кирек хăш самантра та хăйĕн шухăшне улăштарма пултарать. Çакăн пирки комисси членне пĕлтерсе, класран тухать. Тест ыйтăвĕсене хурав панă ĕçсене коллектив ертỹçин, акт çырса, виçĕ кун хушшинче влаç органĕсене е вĕрентỹ пайне памалла. 30 кун хушшинче тест тĕрĕслевне пĕтĕмлетмелле. Наркотикла е психотроплă япаласемпе усă куракансене тупса палăртма май килсен, вĕсен сывлăхне упрассипе вăраха ямасăр тивĕçлĕ мера йышăнассипе тимлемелле.
О.ЯСТРЕБОВА, район прокурорĕ.