09 сентября 2014 г.
Республикăри финанс сферин хисеплĕ ĕçченĕсем!
Сире професси уявĕпе - Финансист кунĕ ячĕпе пĕтĕм чунтан саламлатăп!
Укçа-тенкĕ çаврăнăшĕнче ĕçлекенсем яланах сумлă вырăнта пулнă. "Укçа шута юратать",- тесе халăхра ахальтен каламаççĕ.
Паян республикăра шайлашуллă та çирĕп финанс тытăмĕ йĕркеленнĕ. Вăл патшалăх программисене пурнăçлама вăхăтра укçа-тенкĕ уйăрма, социаллă хỹтлĕх ыйтăвĕсене туллин тивĕçтерме май парать.
Вĕренỹ, сывлăх сыхлавĕ, культура, спорт, экономика сферисене аталанма уйăракан тата ял-хуçалăхĕнче тавар туса илекенсене пулăшас, ял-хула урамĕсене тирпей-илем кĕртес тĕлĕшпе уйăракан укçа-тенкĕ виçи çулсерен ỹсет.
Нумай ачаллă тата çамрăк çемьесене, тăлăх ачасене, çамрăк специалистсене пулăшас тĕлĕшпе хушма мерăсем йышăннă.
Общество укçи-тенкине тытса пырас енĕпе Чăваш Республики тĕнчипе паллă Moody's тата Fitch Ratings авторитетлă агентствăсен çỹллĕ шайри кредит рейтингне тивĕçнĕ.
Финанс сферин ĕçченĕсемпе ветеранĕсене хăйсен професси тивĕçĕсене чыслă тата яваплăха туйса туса пынишĕн тав сăмахĕ калатăп.
Пĕтĕм чунтан çирĕп сывлăх, ĕçре ăнăçусем, телей тата тулли пурнăç сунатăп.
Чăваш Республикин Пуçлăхĕ М.ИГНАТЬЕВ.