09 сентября 2014 г.
Август уйăхĕн итогĕсемпе "Дружба" ял хуçалăх производство кооперативĕ "Районти чи лайăх сĕт-çу фермин коллективĕ" куçса çỹрекен приз çĕнтерỹçи пулса тăнă.
АПК аталанăвĕпе экологи пайĕн начальникĕ Валерий Чайкин, ял хуçалăх пайĕн секторĕн специалисчĕ Елена Михайлова коллектива (хуçалăх ертỹçи И.В.Зубов) куçса çỹрекен призпа, парнепе чысланă. Сĕт-çу ферминче кун йĕркине çирĕп пăхăнса пыма тăрăшаççĕ. Паянхи куна хуçалăхра 441 ĕне выльăх шутланать, вĕсенчен 126-шĕ - сăвакан ĕнесем. Кăçалхи январь-август уйăхĕсенче 383,7 тонна сĕт туса илнĕ. Авăн уйăхĕн 1-мĕшĕ тĕлне сăвăм кашни ĕне пуçне 3045 кг танлашнă. 100 ĕнерен 92 пăру илнĕ, пĕтĕмпе вара - 116 пуç.
Любовь Михайловна Николаева, Татьяна Павловна Машенькина, Клавдия Михайловна Баранова, Валентина Ивановна Сергеева, Татьяна Николаевна Калашникова, Наталья Валерьевна Баранова выльăх пăхакансем, Александр Владимирович Лазенков, Николай Иванович Гребенков, Евгений Николаевич Родин кĕтỹçсем выльăх-чĕрлĕх продуктивлăхне ỹстерессипе вăй-хала шеллемесĕр ĕçлеççĕ.
Коллектив çитĕнĕвĕнче Любовь Михайловна заведующин тỹпи те пысăк. Вăл хăйĕн тивĕçне яваплăха туйса пурнăçласа пырать, ыттисенчен те çавнах ыйтать.
Р.ВАСИЛЬЕВА.