09 сентября 2014 г.
Кăçалхи сентябрĕн пĕрремĕшĕ тĕлне районта çĕр пайĕ илес ĕмĕтлĕ 69 çемьене шута илнĕ.
Вунпĕр кил-йыш пурăнмалли çурт-йĕр тăвасшăн тỹлевсĕр панă çĕр пайĕ çинче, 58-шĕ вара килти хушма хуçалăха аталантарасшăн. Район администрацийĕ ку çемьесем валли паянхи куна 48 çĕр пайĕ йĕркеленĕ. 41 çемьене çĕр пайĕ илмелли сертификат панă. Çичĕ çемье, пурĕ 0,7175 гектар чухлĕ, пурăнмалли çурт-йĕр тума çĕр пайĕ илнĕ. Килти хушма хуçалăха аталантарма 34 çемье кăмăлланă. Пурĕ 11,447 гектар чухлĕ çĕр пайĕ панă вĕсене. Асăннă çĕр пайĕсен пĕтĕмĕшле лаптăкĕ вара - 12,1645 гектар.
А.ИВАНОВА.