09 сентября 2014 г.
Ял хуçалăхĕнче ĕçлеме çăмăл мар. Пирĕн хушăра йывăрлăхран шикленменнисем татах тупăнаççĕ пулĕ.
"Чутеевский" ЯХПКра ĕçлеме трактористсем, водитель кирлĕ. Ĕç укçи - 9-10 пин тенкĕ, пурăнмалли вырăна тара илмелле.
Ленин ячĕллĕ ял хуçалăх предприятийĕнче те трактористсемпе водительсене, агронома хапăл тусах йышăнаççĕ. Ĕç укçи - 7-8 пин тенкĕ, пурăнмалли вырăна тара илмелле.
Илларионов хресчен-фермер хуçалăхĕнче ферма территорийĕнчи пурăнмалли çуртра кунсене ирттерме пулать. Кунта трактористпа дояркăна ĕçе илеççĕ. Ĕç укçи - 15 пин тенкĕ.
В.ВАСИЛЬЕВ.