05 сентября 2014 г.
2014 çулхи сентябрĕн 14-мĕшĕнче Чăваш Республикин территорийĕнче ял тăрăхĕсен пуçлăхĕсен срок тухичченхи суйлавĕсем иртĕç. Чутей ял тăрăхĕнчи депутатсен пухăвĕн 2014 çулхи июнĕн 18-мĕшĕнчи 4I1 номерлĕ йышăнăвĕпе килĕшỹллĕн пирĕн районти Чутей ял тăрăхĕн пуçлăхне те суйлаççĕ. Суйлавсем 1153 номерлĕ Чутей суйлав участокĕнче тата 1154 номерлĕ Çĕнĕ Ишпуç суйлав участокĕнче иртĕç.
Суйлава хатĕрленнĕ тата ăна ирттерсе янă тапхăрта шалти ĕçсен органĕсен сотрудникĕсем обществăлла йĕркелĕхе сыхлассипе мероприятисем ирттерĕç. Суйлава хатĕрленсе ирттернĕ тапхăрта законодательствăна, обществăлла йĕркелĕхе тата хăрушсăрлăха пăсас мар тесен, çынсен çакна пĕлсе тăмалла:
- суйлав комиссийĕсен ĕçĕнче суйлав прависене пурнăçлама чăрмантарнăшăн РФ УКн 142 статйипе айăплама пултараççĕ;
-суйлав докуменчĕсене, референдум докуменчĕсене суйса кăтартнăшăн е сасăсене тĕрĕс мар шутланăшăн РФ УКн 142 статйипе айăплав кĕтет;
-гражданинăн суйлавçăсен, референдум участникĕсен списокĕсемпе паллашмалли правине пăснăшăн РФ КоАПăн 5.1 статйипе айăп тăваççĕ;
-суйлав комиссийĕн, референдум комиссийĕн йышăнăвĕсене пурнăçламанни, суйлав, референдум комиссийĕсем ыйтнă сведенисемпе тата материалсемпе тивĕçтерменни РФ КоАПăн 5.3 статйине пырса тивет;
-суйлавçăсем, референдум участникĕсем çинчен сведенисем тăратмалли йĕркене пăснăшăн РФ КоАПăн 5.4 статйипе явап тыттараççĕ;
-массăллă информаци хатĕрĕсен суйлавсен, референдумсен тĕлĕшпе информаципе тивĕçтермелли йĕркине пăснăшăн РФ КоАПăн 5,5 статйипе явап тăваççĕ;
-суйлав, референдум комиссийĕсен членĕсен, сăнавçăн, ют çĕр-шыв (халăхсем хушшинчи) сăнавçăн, кандидатăн, суйлав пĕрлешĕвĕн довереннăй çыннин е полномочи панă представителĕн, референдум ирттерме йĕркеленĕ пуçару ушкăнĕн, референдум участникĕсен ытти ушкăнĕн членĕн е полномочи панă представителĕн е массăллă информаци хатĕрĕсен представителĕн прависене пăснăшăн РФ КоАПăн 5.6 статйипе явап тыттарассине пăхнă.
В.ФЕДОРОВ,
районти полици уйрăмĕн начальникĕн çумĕ.