05 сентября 2014 г.
Пурнăç условийĕсене лайăхлатма патшалăхран пулăшу илме ирĕк пуррине çирĕплетекен свидетельствăсем пачĕ çамрăксене нумаях пулмасть район администрацийĕн пуçлăхĕ Владимир Ванерке.
"2014-2017 çулсенче тата 2020 çулчченхи тапхăрта ял территорийĕсене çирĕппĕн аталантарасси" тĕллевлĕ федераллă программăпа килĕшỹллĕн Тăвайри шкулчченхи пĕрремĕш номерлĕ вĕренỹ учрежденийĕн воспитателĕ Е.Иванова тата Тăвайри культурăпа кану центрĕн методисчĕ А.Абрамова çỹлерех асăннă документлă пулчĕç. Владимир Алексеевич çамрăк специалистсене ăшшăн саламланă, ĕçĕсенче тата çемйисенче телей суннă. Район территорийĕнче пурăнакан 7 çынна тата 4 çамрăк специалиста социаллă пулăшăвăн свидетельствисене панă кăçал, пурĕ 6039,69 пин тенкĕлĕх.
М.СТЕПАНОВ.