02 сентября 2014 г.
Çурт-йĕрпе çемье - çыннăн пурнăçĕнчи тĕп хỹтлĕхпе тĕрек.
Районта ку тĕлĕшпе Раççей Президенчĕн 2012 çулхи майăн 7-мĕшĕнчи 600-мĕш номерлĕ "Раççей Федерацийĕн гражданĕсене меллĕ те хăтлă çурт-йĕрпе (хваттерпе) тивĕçтермелли тата çурт-йĕрпе коммуналлă услугăсен пахалăхне лайăхлатмалли мерăсем çинчен" Указне пурнăçлассипе малалла ĕçлеççĕ. Çурт-йĕр строительствин программипе килĕшỹллĕн 2014 çулта районта мĕн пур çăлкуçсенчен пырса кĕрекен укçа-тенкĕпе усă курса 11000 тăв. метр пурăнмалли çурт-йĕр ĕçе кĕртме пăхнă. Январь-июнь уйăхĕсенче 3004 тăв. метр хута янă.
Чăваш Ен Пуçлăхĕн 2011 çулхи октябрĕн 3-мĕшĕнчи 87-мĕш номерлĕ "Çамрăк çемьесен пурнăç условийĕсене лайăхлатма патшалăх пулăшăвĕ памалли хушма мерăсем çинчен" Указĕпе килĕшỹллĕн 51 çамрăк çемье çурт-йĕр тума е хваттер туянма 63,4 млн. тенкĕлĕх ипотека кредичĕ йĕркеленĕ. Икĕ çамрăк специалиста ялта çурт-йĕр çавăрма федераллă тата республика бюджечĕсенчен 983200 тенкĕлĕх социаллă тỹлев илме 2 сертификат панă.
Тăвай ялĕнчи РТП территорийĕнче 12 хваттерлĕ çурт тăваççĕ. Кашни 33-шер тăв. метрлă çичĕ хваттере найм договорĕпе тăлăх ачасене парса пулăшаççĕ. Ленин проспекчĕ, 38а адреспа кивĕ, юхăннă çуртсенчен куçакансем валли 12 хваттерлĕ çурт хăпартнă. Ăна "Янтиковская" МСО УАО тăвать.
Çавăн пекех районта 2011-2013 çулсенче нумай хваттерлĕ 13 çурта тĕпрен юсанă тата 39 çуртра (70 процент) хваттерсене газпа е электричествăпа харпăр хăй ăшăтасси çине куçарнă.
А.АЛЕКСЕЕВ.
Сăн ỹкерчĕкре: РТП территорийĕнчи 12 хваттерлĕ çурт.
А.НИКИТИНА сăн ỹкерчĕкĕ.