02 сентября 2014 г.
Çĕнĕ Пуянкассинчи библиотекăра икĕ кун ĕçленĕ хыççăн, Л.Васильевапа Л.Соловьева хатĕрленĕ чечексен куравĕ информаципе кану центрне куçрĕ.
Пуянкассинче чечексене юратакансем сахал мар. Хăшне-пĕрне кăна асăнар: З.Кондратьева, С.Петрова, Э.Федотова, В.Иванова, Т.Григорьева, Г.Петрова, Е.Альфонс, А.Филиппова, В.Федорова тата ыттисем те.
Юлашки çулсенче чечексем акса-лартса ỹстерес енĕпе ытларах та ытларах интересленме пуçлани сисĕнет. Пỹрт умĕнчи пахчасенче, картишĕнче илем кỹрекен хунавсемпе чечексем ешерни кăмăл-туйăма уçать, ывăннине ирттерет. Апла пулсан - сывлăхшăн та усăллă. Ахальтен мар ĕнтĕ чечек сиплĕхĕ çинчен поэтсем сăвăсемпе поэмăсем çыраççĕ, композиторсем юрра хываççĕ.
М.ВАСИЛЬЕВ.
Сăн ỹкерчĕкре: чечексен куравĕнче