02 сентября 2014 г.
Хальхи вăхăтра районĕпе кашни ĕнерен вăтамран 13,9 килограмм сĕт суса илеççĕ.
Малта пыракан коллективсенче ку кăтарту чылай пысăкрах. Çапла Грачев хресчен-фермер хуçалăхĕнче пĕр ĕне пуçне куллен вăтамран 19 килограмм сĕт сăваççĕ. Кунти фермăра кĕтỹ ватă мар, халĕ те ăратлă 16 пушмак пăру кỹрсе килнĕ. Выльăхсене тулăх тăрантараççĕ. "Акконд-агро" фирма хупă акционерлă обществăра та кĕтĕве ăратлă çамрăк выльăхсемпе çĕнетсе тăраççĕ, апат хутăшĕпе, симĕс апатпа тăрантараççĕ. Пĕр ĕне пуçне талăкра 17,7 килограмм сĕт антараççĕ ĕнесем. Кĕтĕве пысăк виçеллĕ те ăратлă пушмаксем кĕртеççĕ. Тушкилти С.Илларионов хресчен-фермер хуçалăхĕ те 66 пуç пĕтĕленнĕ пушмаксем кỹрсе килнĕ. Вĕсем пăрулама пуçланă та ĕнтĕ.
Е.АЛЕКСАНДРОВА