19 августа 2014 г.
Пирĕн район делегацийĕ Кузбасри чăваш культурин V фестивалĕнче пулса савăннă нумаях пулмасть. Вăл Кемĕр облаçĕнчи Прокопьевск районĕнчи Михайловка ялĕнче иртнĕ. Хăнасене чăваш хĕрỹлĕхĕпе, кĕвĕлĕхпе тĕлĕнтернĕ Михайловка, хăйĕн ăраскалăхне тата культурине кăтартнă.
Михайловкăра чăвашсем пурăнаççĕ. Наци юррисене аслă ăрурисем те, çамрăксем те пĕлеççĕ. Ялта темиçе халăх ансамблĕ пур. Вĕсен пултарулăхĕпе кỹршисем кăна мар паллашаççĕ. Чăваш республикинчи хăнасем Михайловкăри наци уявĕнче тăтăшах пулаççĕ.
Прокопьевск районĕнче пурăнакансем чăвашсен йăли-йĕркине пăхăнаççĕ. Район 90 çул тултарнă ятпа иртекен уявра кашни ял хăйевĕрлĕхĕпе уйрăлса тăнă. Чăваш культурин фестивалĕ - Михайловка ялĕн бренчĕ. Кунта хăнасене кашни ялта кĕтеççĕ. Культурăпа туризм çулталăкĕнче Кемĕрте кичемленсе лармаççĕ.
А.ПЕТРОВ.