19 августа 2014 г.
Элпуçĕнчи вăтам шкулăн кивĕ çурчĕ çывăхĕнчи стадионра, В.Груздев директора асăнса, футбол вăййисем иртнĕ. Унта 3 команда вылянă.
Куçса çỹрекен кубока элпуçсем çĕнсе илнĕ, иккĕмĕшне - çĕнçырмасем, виççĕмĕш вырăна ураскассисем тухнă. А.Харитонов (Элпуç) "Чи лайăх вратарь", А.Федоров (Ураскасси) "Чи лайăх хỹтĕлевçĕ", Д.Иванов (Элпуç) "Чи лайăх çурма хỹтĕлевçĕ", Д.Степанов (Çĕнçырма) "Чи лайăх тапăнакан" призсене тивĕçлĕ пулнă.
Спорт мероприятийĕн спонсорĕсене - В.Петровпа Г.Сергеева (Элпуç), Л.Кабакована (Çĕнçырма), М.Иванова (Нỹшкасси), А.Григорьева тата Е.Журавлевана (Ураскасси) тав тунă юлашкинчен.
А.ИВАНОВА.