19 августа 2014 г.
Вырмара ял ĕçченĕсене юрă-ташăпа хавхалантарасси совет влаçĕ вăхăтĕнчен пыракан йăла. Анчах хăйĕн ырă пĕлтерĕшне вăл паян кунчченех çухатман.
Тăвай ялĕнчи культурăпа кану центрĕнче йĕркеленĕ агитбригада икĕ кун хушшинче 10 ялти ĕçченсене юрă-ташăпа савăнтарнă. Вĕсем Тăвайра, Тăрмăшра, Чутейре, Енĕш Нăрвашра, Кĕршере, Çĕнĕ Ишпуçĕнче, Амалăхра, Вăтаялĕнче, Тенеялĕнче, Кармалта пулнă, тыр-пул уйĕсене, йĕтемсене, столовăйсене çитнĕ. Агитбригада ĕçченĕсене пур çĕрте те хапăл кĕтсе илнĕ, тыр-пул ăстисем хăйсене çапла сума сунăшăн тав тунă.
-Кĕрхи ĕçсене вĕçленĕ тĕле ял ĕçченĕсем валли ятарласа çĕнĕ концерт программи хатĕрлĕпĕр,-тенĕ Тăвайри ял тăрăхĕсем хушшинчи культурăпа кану центрĕн директорĕ Валентина Александрова.
Сăн ỹкерчĕкре: йĕтемре юрă янăрать.
(Хамăр инф.).