12 августа 2014 г.
Тăвай районĕнче пурăнакан 30 çулхи арçын М. мухмăр каснипе аптăраса çитнĕскер, чĕлхе çине виçĕ тумлам та пулин тумлатасчĕ тесе ирхине 4 сехетре алăка уçса садике кĕрсе каять. Вăл унта спирт тата кăштах та пулин укçа тупасса шаннă çав. Укçа-таврашĕ куç тĕлне пулман. Анчах ун телейне флаконпа 100 мл спирт тата 10 ампула димедрол ирĕлчĕкĕ тупăннă. Урама тухнă-тухман вăл темиçе ампула димедрола спирт çине ярсан флаконти шĕвеке çăварне пушатнă. Киле те çитеймен.
Преступлени тăвакана "ăшăллах" ярса илнĕ, кĕсйинчен юлнă димедрол ампулисене туртса кăларсан унăн тунас шухăш сỹннĕ. Çынсем сисчевлĕ пулнине те вăрра тăрă шыв çине кăларма пулăшнă. Мĕншĕн тĕсен вĕсем малтанхи кун М. садик тавра явăнса çỹрение асăрханă та, пулса иртни çинчен полицие шăнкăравланă. Вăрмар район сучĕ М. 200 сехет обязательнăй ĕçсенче ĕçлеттерме приговор кăларчĕ.
О.ЯСТРЕБОВА.