08 августа 2014 г.
Хальхи пурнăçра пирĕн Кивĕ Пуянкасси ялĕнче те пурăнмалли çуртсене тата хуралтăсене çĕнетсе лайăхлатакансем çук мар.
Строительствăра ку чухнехи материалсемпе усă кураççĕ. Акă хамăртан инçех мар пурăнакан Ильинсем (Валерий Иванович "Буяново" ОООра тĕп инженерта, мăшăрĕ Рина Васильевна ялти фельдшерта ĕçлеççĕ) пурăнакан çуртне икĕ хутлă майлă туса çĕнетрĕç, Гурьевсем (Олег Иванович учитель, мăшăрĕ - медработник) сайдингпа сăрса 6 кĕтеслĕ кирпĕч пỹртне хăтлă йĕркелеççĕ. Строитель кунĕ умĕн вĕсене пурне те ырă сунас килет. Хуралтисене пысăклатса çĕнетекенсем те пур ялта. Юлашки çулсенче яла пырса кĕнĕ урамра пысăк та хăтлă, икшер хутлă çурт лартакансем те пулчĕç. Ял варринче халĕ те, тĕслĕхрен, Герман Степанович Николаев керамблоксенчен çỹллĕ çурт хăпартрĕ.
Ф.ПЕТРОВ