08 августа 2014 г.
Йывăр хĕрарăм пулнăшăн, ача çуратнăшăн, çавăн пекех ачана çулталăк çурăна çитиччен пăхнăшăн паракан пособисене мĕнле илмелле-ши, енчен те ĕç паракан тивĕçлĕ сведенисене Социаллă страховани фондне тăратман пулсан?
В.ПЕТРОВА.
Сирĕн ыйтăвăра район прокурорĕ О.Ястребова хуравлать: "Вăхăтлăха ĕçлеймен чухне тата ача çуратнă чухне обязательнăй йĕркепе социаллă страховани тăвасси çинчен" федераллă Законăн (2006 çулхи декабрĕн 20-мĕшĕ, 255 №) 15-мĕш статйипе килĕшỹллĕн территорири орган страхланă çынна вăхăтлăха ĕçлеймен чух, йывăр хĕрарăм пулнăшăн тата ача çуратнăшăн пособи пама йышăнать, ăна территори органне заявленипе пĕрле тивĕçлĕ документсем тăратнă хыççăн 10 кунран юлмасăр ачана пăхма уйăхсерен пособи тỹлет.
Енчен те страхланă çыннăн пособи ыйтма пынă кун мĕн чухлĕ ĕçлесе илнине кăтартакан справка çук пулсан, тивĕçлĕ пособие страхланă çын хăй панă тата страхлаканра (территорири орган) пур сведенисемпе документсем тăрăх çирĕплетеççĕ. Ĕçлесе илнĕ суммăна çирĕплетекен справка тăратнă хыççăн пособие иртнĕ вăхăтшăн та йăлтах (анчах 3 çулталăкран ытла маар) çĕнĕрен шутласа параççĕ. Социаллă страховани фончĕ тивĕçлĕ пособие хăй ирĕкĕпе тỹлеме килĕшмест пулсан, ăна суд йĕркипе шыраса илме пулать. Сирĕн правасене пăсаççĕ пулсан, прокуратурăна заявлени çырма май пур".