Публикации » Çĕрмĕш ачана чысланă

08 августа 2014 г.

Тушкилти Аннăпа Николай Игнатьевсен хĕр çутă тĕнчене килнĕ. Ăна Алиса ят панă. Вăл çемьери виççĕмĕш ача шутланать. Районти ЗАГС уйрăмĕнче вара пĕчĕк çын валли çурални çинчен пĕлтерекен 100-мĕш номерлĕ свидетельство хатĕрленĕ. Ăна район администрацийĕн пуçлăхĕ В.Ванерке панă Алисăна, унăн ашшĕпе амăшне. Владимир Алексеевич Игнатьевсене ачисене ырă-сывă çитĕнтерме суннă. Районти хĕрарăмсен совечĕн председателĕ Л.Аввакумова та савăнăçлă церемоние хутшăннă, телейлĕ çемьене саламланă, Аннăпа Николай Игнатьевсем республикăри амăшĕн капиталне илме тивĕçлĕ пулни çинчен пĕлтернĕ. ЗАГС уйрăмĕн ертỹçи В.Новикова тата ăна пулăшакансем те ăшă сăмахсем тупнă пĕчĕк çын валли. Уявра Тăвайри Любăпа Петр Лаптаковсене пурăнмалли вырăн тумалли тỹлевсĕр çĕр участокĕ уйăрни пирки свидетельство панă.

А.ИВАНОВ.