05 августа 2014 г.
Тунти кун район администрацийĕнче кăçалхи саккăрмĕш анлă лару пулнă. Район администрацийĕн пуçлăхĕ Владимир Ванерке иртнĕ уйăхри ĕçсене пĕтĕмлетнĕ, умри тĕллевсене палăртнă.
Муниципаллă çулсене тăвасси тата юсасси, нумай ачаллă çемьесемпе тăлăхсем валли пурăнмалли вырăнсем хатĕрлесси, нумай ачаллă çемьесене çĕр участокĕсем уйăрасси, муниципаллă учрежденисене хĕле хатĕрлесси, ял тăрăхĕсенче пушара хирĕçлекен мероприятисене йĕркелесси, контейнерсенчи ăпăр-тапăрсене вăхăтра илсе тухасси - çывăх вăхăтра пурнăçламалли тĕллевсем.
Вĕрентỹ пайĕн начальникĕ Олег Ломоносов Йăнтăрчă тата Тушкил шкулĕсене тĕпрен юсани пирки пĕлтернĕ.
Августăн тăххăрмĕшĕнче районта сывлăхпа спорт кунĕ иртет.Полици уйрăмĕн начальникĕ Вениамин Обаськин, надзор ĕçĕсен пайĕн ертỹçи Владимир Михайлов, Тăвайри больницăн тĕп врачĕ Нина Бурдасова, выльăх-чĕрлĕх чирĕсемпе кĕрешекен станци пуçлăхĕ Александр Шакин тата ыттисем тухса калаçнă планеркăра.
Г.ЕГОРОВА.