05 августа 2014 г.
Тракторсемпе, хăй тĕллĕн çỹрекен ытти машинăсемпе, вĕсен прицепĕсемпе хăрушсăр тата шанчăклă усă курас тĕллевпе республикăра, çав шутрах пирĕн район территорийĕнче те, çурла (август) уйăхĕн 1-мĕшĕнчен пуçласа 31-мĕшĕччен "Трактор" профилактика операцийĕ ирттерме палăртнă.
Асăннă операци-уйăхлăх иртнĕ эрне вĕçĕнче пуçланнă та ĕнтĕ. Уйăхлăх вăхăтĕнче Чăваш Енри патшалăх Технадзор тата ГИБДД инспекторĕсем вырăна тухса пĕрлехи операцисем ирттерĕç, тракторсемпе хăй тĕллĕн çỹрекен ытти машинăсем, вĕсен прицепĕсем техника тĕлĕшĕнчен юсавлă пулнине, вĕсем çынсен сывлăхĕ, пурлăх тата тавралăх тĕлĕшпе хăрушлăх кăларса тăратманнине, вĕсене техника тĕрĕслевĕ кăларнипе кăларманнине, регистрациленине тĕрĕслĕç, çитменлĕхсене палăртĕç, юрăхсăррисемпе усă курма чарĕç.
Юсавлă тата вăхăтра патшалăх техника тĕрĕслевĕ тухнă тракторсем, вĕсен прицепĕсем, хăй тĕллĕн çỹрекен ытти машинăсем çул çинче те, ĕçре те хăрушлăх кỹмĕç, чăрмавлă пулмĕç тата хуçисене те йывăр лару-тăрăва кĕртсе ỹкермĕç.
А.СЕМЕНОВ,патшалăх техника надзорĕн аслă инспекторĕ.