01 августа 2014 г.
Иртнĕ эрнере Вăрнарти муниципалитетсем хушшинчи полици пайĕн сотрудникĕсем Хурăнсăр Çармăç ялĕ çывăхĕнче "ВАЗ-2109" автомашинăна тытса чарнă.
Руль умĕнче Канашра пурăнакан 28 çулхи арçын ларнă. Автомашина салонĕнче полици сотрудникĕсем мăкăнь тунисене асăрханă. Хуçи хăй тĕллĕн шăтнă мăкăне пĕр пахчара хăй валли наркотикле хатĕр тума пуçтарнă иккен. Виçсе пăхнă та масси те чылаях тайнă - 257,3 грамм. Тытса чарнă çын тĕлĕшпе уголовлă ĕç пуçарнă (УКн 228 статйин 1-мĕш пайĕпе).
Наркомансем çу кунĕсенче пахчасем тăрăх мăкăнь шыраса çỹрени пирĕн тăрăхра та пĕрре мар пулнă. Çавăнпа та граждансене тимлĕрех пулма, çавăн пек тĕслĕхсем çинчен çийĕнчех полици уйрăмне 2-11-15 номерпе пĕлтерме ыйтатпăр.
Б.СЕРГЕЕВ.