01 августа 2014 г.
Иккĕмĕш ушкăн инваличĕ М., аллăран иртнĕскер, врач-психиатр патĕнче учетра тăрать, мăшăрĕпе пурăнмасть, уйрăлнă. Арçын сыпкалама юратать.
Пĕррехинче вăл, ỹсĕрскер, хăй патне ывăлĕпе пĕрле пынă мăшăрĕ пулнă хĕрарăм умĕнче çĕçĕ ярса тытнă та унпа хăлаçланма, вĕсене вĕлерессипе хăратма тытăннă. Халăхра ахальтен каламан ĕнтĕ, пăшал та çулталăкра пĕр хутчен хăй тĕллĕн персе ярать, çĕçĕ те тăсăлать тесе. М.та хăлаçланнă-хăлаçланнă та ывăлне çĕçĕпе хулпуççинчен тăрăнтарнă. Сывлăха йывăрах мар сиен кỹнĕ. Анчах çак ĕç пысăкрах инкекпе те вĕçленме пултарнă. М. тĕлĕшпе РФ УКн 119 статйин 1-мĕш пайĕпе уголовлă ĕç пуçарнă. Ăна пăхса тухма суда ярса панă.
О.АФОНИНА, полици уйрăмĕн дознавателĕ