29 июля 2014 г.
Районти выльăх-чĕрлĕх фермисемпе тырă кĕлечĕсене профилактика тĕлĕшпе дезинфекци тăвасси йăлана кĕнĕ. Çакă вăл хурт-кăпшанкăсемпе чир-чĕрсем ĕрчесрен тата сиенлесрен сыхланма май парать.
Çак тĕллевпе каустика содипе, хлорлă извеçпе, ТН4Ç ятарлă хатĕрпе усă кураççĕ. "Акконд-агро фирма" хупă акционерлă обществăри сĕт-çу комплексĕн витисене, С.Илларионов хресчен (фермер) хуçалăхĕн ĕне витине, В.Грачев хресчен (фермер) хуçалăхĕн икĕ ĕне витипе пăру витине. С.Хумышев хресчен (фермер) хуçалăхĕн тата "Новый путь" ял хуçалăх кооперативĕн ĕнепе пăру витисене дезинфекци туса сиенсĕрлетнĕ. Хăш-пĕр хуçалăхсенче выльăх-чĕрлĕх витисене шуратнă та.
Хĕле хатĕрленнĕ май асăннă ĕçсене ытти выльăх-чĕрлĕх фермисенче те туса ирттереççĕ.
В.ФЕДОРОВ.