29 июля 2014 г.
Пирĕн предприяти уйĕсенче те вырма пырать халĕ. 30 гектар çинчи пăрçана çапса илтĕмĕр иртнĕ кунсенче, кашни гектарĕ ампар виçипе 21 центнер тухăç пачĕ. Халĕ комбайнсем кĕрхи ыраш пуссинче ĕçлеççĕ.
Вĕсем пирĕн халичченхи пекех виççĕ. Вĕсемпе Вячеслав Семеновпа Владимир Васильев, Борис Ильинпа Андрей Александров, Алексадр Суркинпа Юрий Яковлев ĕçлеççĕ. Комбайнерсем хастар, техникăпа кал-кал. Кĕр тыррисем вара хăйсемех 344 гектар йышăнаççĕ, çак шутран 117 гектарĕ - кĕрхи ыраш. Çапса илнĕ тырра Тăвайри йĕтемре тасатса типтерлеççĕ. Пăрçа улăмне выльăх апачлĕх пухса рулонсем тăваççĕ. Георгий Григорьевпа Владимир Ерастов тăрăшаççĕ ку тĕлĕшпе. Владимир Данилов карта тăвать. Вĕсемех утă çинче те ĕçлеççĕ.
А.МИХАЙЛОВ, "Акконд-агро фирма" ХАОн тĕп агрономĕ