18 июля 2014 г.
Районти полици уйрăмĕн уполномоченнăйĕ Александр Петров капитан Енĕш Нăрваш ял тăрăхне кĕрекен, Çăлпуç, Кĕрше, Киччĕ тата ытти ялсенче - пурĕ 12 ял - пурăнакансене йĕркелĕхпе тивĕçтерет. Тăрăшулăхпа, сăпайлăхпа палăрса тăрать. Çынсемпе кăмăллăн калаçать, ăна хисеплеççĕ. Хастар уполномоченнăй республикăри уполномоченнăйсен конкурсĕнче те палăрнă, çĕнтерỹçĕ пулса тăнă. Ун пирки Интернетра та çырса кăтартнă. Тата тĕплĕнрех пĕлес килет А.Петров уполномоченнăй пирки.
В.НИКОЛАЕВА.
Редакцирен: Александр Петров 1968 çулта Чутей ялĕнче çуралнă. Канашри медучилищĕрен вĕренсе тухнă. Çар службинче те çав специальноçпах пулнă. Демобилизаци хыççăн вăл милици службине тăнă. Çемьеллĕ. Мăшăрĕпе 2 ывăл пăхса çитĕнтереççĕ. Нумаях пулмасть Петровсем çĕнĕ çурта пурăнма кĕчĕç.