18 июля 2014 г.
Иртнĕ эрнере Тăрмăшра пурăнакан Раиса Никитична Никитина 90 çул тултарчĕ.
Вăл Кивĕ Пуянкассинче çуралнă, Ленин ячĕпе хисепленекен колхозра ĕçлесе тивĕçлĕ канăва тухнă. Тыл ĕçченĕ Раççей Президенчĕ Владимир Путин ятĕнчен саламлă открытка илнĕ. Çĕр-шыв ертỹçи ăна хастар ĕçшĕн тав тунă, ырлăх-сывлăх, телей суннă. Раиса Никитична 2 хĕр пăхса çитĕнтернĕ. Халĕ ăна Мучара качча тухнă аслă хĕрĕ Валентина пăхса тăрать.
Юбиляра Тăрмăш тата Мучар ял тăрăхĕсен пуçлăхĕсем саламланă, асăнмалăх парне панă.
В.ИВАНОВ.