11 июля 2014 г.
Çĕрпỹ хулинче июлĕн 3-6-мĕшĕсенче йăлана кĕнĕ Тихвин ярмăркки иртнĕ. Вăл асăннă районпа республикăра кăна мар чапа тухнă, унта кỹршĕллĕ регионсенчен те килеççĕ.
Тихвин ярмăрккин лайăх енĕ - анлă суту-илỹсĕр пуçне культурăпа спорт программи пуян пулни. Кунта тĕрлĕ фестивальсем, конкурссем, вăйăсем, художество пултарулăхĕпе спорт ăмăртăвĕсем иртеççĕ. Пирĕн районтан унта "Тăвай ен" халăх ансамблĕ (ертỹçи Наталия Иванова) хутшăннă. Çĕрпỹре пурăнакансемпе уяв хăнисем пирĕн артистсене ăшшăн йышăннă, тăвăллăн алă çупса хавхалантарнă. Тихвин ярмăрккине хастар хутшăннăшăн тата Чăваш енĕн музыка культурине пропагандăлама тỹпе хывнăшăн халăх ансамбльне грамота тата асăнмалăх приз парса чысланă.
В.АЛЕКСАНДРОВА