04 июля 2014 г.
Енĕш Нăрвашри "Кермен" ача садне çỹрекенсем спорт вăййисене питĕ килĕштереççĕ. Çак кунсенче Л.Павловапа В.Ефимова воспитательсем олимпиада эрни ирттрерчĕç.
Ачасем виçĕ ушкăна пайланса тĕрлĕ енĕпе тупăшрĕç: кĕске тата вăрăм дистанцисене чупассипе, вырăнтан тата чупса пырса тăршшĕне сикессипе, çăмхана тĕл лектерессипе, йывăр хутаçа инçĕшне ывăтассипе.
Павел Владимиров, Эльза Иванова, Лиза Михайлова, Григорий Григорьев ылтăн медальсем çĕнсе илчĕç.
Лена Фоминан, Костя Сергееван, Настя Павлован, Оксана Степанован - кĕмĕл медальсем.
Костя Иванова, Маша Павловапа Карина Васильевана бронза медальсем тивĕçрĕç. Çĕнтерỹçĕсене пьедестал çине тăрса сăн ỹкерттерме питех те килĕшрĕ.
Л.ПАВЛОВА. Енĕш Нăрваш ялĕ