04 июля 2014 г.
Хĕвеллĕ шăрăх кунсем пурне те, уйрăмах çамрăксене, шыв хĕррине чĕнеççĕ. Шыв çынна илĕртет, чỹхенсе ỹте уçăлтарма хистет.
Анчах çав вăхăтрах шыв хăйпе тимсĕр пулнине килĕштермест. Сăмахран, тарланă хыççăн лайăх сивĕнмесĕр шыва кĕрсе кайма юрамасть. Пĕлмен вырăнта шыва кĕни те, чăмни те инкекпе вĕçленме пултарать. Пĕччен шыва кĕмелле мар. Çырантан инçене ишсе ан кайăр. Шыв температури 17-19 градусран кая мар ăшă пултăр. Нумай чухне ачасем вăрах вăхăт - кăвакарса кайиччен - шывра пулаççĕ. Ку сывлăхшăн сиенлĕ. Ун пек чух шăнăр туртма пултарать. Шывра 20 минут пулни çителĕклĕ.
Çак тата ытти пĕлтерĕшлĕ самантсем пирки ачасене тĕплĕн каласа ăнлантартăмăр.
Е.ВАСИЛЬЕВА, библиотекарь.