14 января 2011 г.
Район администрацийĕн пуçлăхĕ Ю.Е.Васильев предприятисемпе организацисен, учрежденисен коллективĕсемпе тĕл пулать, вĕсен шухăш-кăмăлĕсемпе интересленет.
Иртнĕ кунсенче район администрацийĕн пуçлăхĕн пĕрремĕш çумĕн тивĕçĕсене туса пыракан В.А.Ванерккепе пĕрле вĕсем Тăвай енри фермăсен ĕçĕпе выльăхсене хĕл каçарасси мĕнле пулса пынипе кăсăкланнă, çынсен ыйтăвĕсем çине хуравланă.
“Чутеевский” ЯХПКпа Хумышев хресчен фермер хуçалăхĕнче пулнă. Ирхи сăвăма асăннă хуçалăхсенче начар мар шайра йĕркеленине хăйсем курнă. В.Л.Шерне тата С.В.Хумышев ертÿçĕсем ял ĕçченĕсен тăрăшулăхĕ çинчен каласа кăтартнă.
Коллективсенче иккĕшĕнче те мăйракаллă шултра выльăхсен шучĕ ÿснĕ. Чутейсемпе ишпуçсене пысăк ăратлă выльăх туянмалли субсидисен списокне кĕртнĕ кăçал.
Каçхи сăвăмра вара Юрий Егоровичпа Владимир Алексеевич “Победа” тулли мар яваплăхлă обществăпа Грачев хуçалăхĕнче пулнă. Тĕмерсемпе кармалсен хастарлăхĕпе кăмăллă юлнă.