12 января 2011 г.
Тинтерех кăна район администрацийĕн пуçлăхĕн ĕçне кÿлĕннĕ Юрий Васильев вăхăт тупса Çĕнĕ çул умĕн “Ял ĕçченĕ” хаçат редакцине çитсе вырăнти журналистсемпе тĕл пулчĕ, влаçпа хаçат хушшинчи хутшăнусем пирки хăйĕн шухăшне палăртрĕ, хăш-пĕр сĕнÿсем пачĕ, ыйтусем çине хуравларĕ. Çĕнĕ пуçлăх тăван хаçата пулăшма пулнине, хаçатçăсемпе тăтăшрах тĕл пулма шантарнине, хаçата шаннине журналистсем хавхаланса йышăнчĕç. Юрий Егорович çавăн пекех кĕскен районăн малашлăхне сăнласа пачĕ, пичет ĕçченĕсене çывхарса килекен Çĕнĕ çулпа, Раштав тата Пичет уявĕсемпе саламласа ырлăх-сывлăх, ăнăçусем сунчĕ.