24 декабря 2010 г.
“Çамрăксене шанмалла, ĕненмелле”, – тенĕ Республика Президенчĕ М.В.Игнатьев Патшалăх Канашне янă Çырăвĕнче.
Çапла пулмалла та ĕнтĕ. Акă пирĕн ял территорине кĕрекен “Чутеевский” ЯХПК, “Хумышев” хресчен-фермер хуçалăхне Виталий Гуринпа Сергей Хумышев çамрăксем ертсе пыма пуçласан кунти ĕçсем ырă енне улшăнчĕç. Машинăпа трактор паркĕсем çĕнĕ техникăпа пуянланса пыраççĕ. Икĕ хуçалăхĕнче те кăçал ферма çурчĕсене тĕпрен юсаса çĕнетрĕç. Чи кирли вара – ĕçлемелли условисене лайăхлатса пынăçемĕн йăлара усă курмалли ятарлă пÿлĕмсем хута кайни. Чутейри фермăра çамрăк дояркăсем ĕçлени, Çĕнĕ Ишпуçĕнче патвар механизаторсем пулни малашлăх пуррине пĕлтерет.
Президент Çырăвне вырăнти активпа, депутатсемпе тĕплĕн пăхса тухрăмăр, ăна ырларăмăр.