12 ноября 2010 г.
Ĕнер пирĕн районта вак тата вăтам предпринимательлĕх кунĕ пулнă. Район администрацийĕн пĕчĕк залĕнче пухăнчĕç асăннă отрасльпе кăсăкланакансем.
Ларăва район администрацийĕн пуçлăхĕн тивĕçĕсене туса пыракан В.Шакров уçрĕ. Тăвай енре кăçал тăхăр уйăх хушшинче вак тата вăтам предпринимательлĕх мĕнле аталаннипе район администрацийĕн экономикăпа пурлăх хутшăнăвĕсен пайĕн начальникĕ А.Михайлов паллаштарчĕ. Асăннă пухăва экономика аталанăвĕпе, промышленность тата суту-илÿ министерствин, ытти организацисен представителĕсем, район прокурорĕ В.Николаев хутшăнчĕç. Тухса калаçнисем ыйтусем çине хуравланă. Ĕçлĕ калаçу усăллă иртнĕ.
Сăн ÿкерчĕкре: вак тата вăтам предпринимательлĕх кунĕнче ĕçлĕ калаçу пырать.
Сăн ÿкерчĕкĕ авторăн.