02 ноября 2010 г.
Шкул ачисен районти спартакиади шучĕпе шахмат ăмăртăвĕсем пулчĕç. Унта 9 команда хутшăнчĕ (тăрмăшсем кăна килеймерĕç). Малти вырăнсене Тăвай, Элпуç, Нăрваш шкулĕсен командисем йышăнчĕç. Калас пулать, элпуçсем тăвайсенчен 1,5 очко кăна юлчĕç, нăрвашсенчен вара 3 очко ытларах пухрĕç.
Харпăр хăй хушшинче выляса хĕрсенчен Полина Михайлова (Тăвай шкулĕ) чемпионка пулчĕ. Вăл пĕр тĕл пулăва та выляса ямарĕ, Е.Васильевапа кăна ничья турĕ. 2-мĕш вырăн – Е.Васильеван (Чутей, 7 очко), 3-мĕш – Т.Егорован (Элпуç, 6 очко).
Яшсемпе арçын ачасем хушшинче Иван Трофимов (Нăрваш) çĕнтерчĕ. С.Афанасьевăн (Элпуç) 2-мĕш, Тăвай шкулĕн командин капитанĕн Р.Дмитриевăн 3-мĕш вырăнсем.