22 октября 2010 г.
Йăлана кĕнĕ пекех нумаях пулмасть Тăрмăшри вăтам шкулта кĕрхи бал пулчĕ.
Тăххăрмĕш, вуннăмĕш, вунпĕрмĕш классенче вĕренекенсем хутшăнчĕç асăннă уява. Малтан шкул коридорне тĕрлĕ тĕслĕ çулçăсемпе, чечексемпе, шарсемпе илемлетрĕç. Чечек çыххи, тĕрлĕ блюдăсем хатĕрлессипе тупăшрĕç вĕренекенсем, юрларĕç, ташларĕç. Куракансем вунпĕрмĕшсен ташшине питĕ кăмăлларĕç. В.Звонарев, Е.Суракин, Е.Ахметова, С.Яковлева хăйсен пултарулăхĕпе савăнтарчĕç. Вуннăмĕшсен чечек çыххийĕ чи илемли пулчĕ. Тăххăрмĕшсем мала тухассишĕн питĕ тимлерĕç. Тăрăшни харама каймарĕ, вĕсем çĕнтерчĕç.